Merħba
Ir-Randan – Ħajja ġdida
Dan ix-xahar ta’ Marzu huwa kollu żmien ir-Randan u jagħlaq bil-Ġimgħa Mqaddsa u l-Għid il-Kbir.
F’wieħed mill-Prefazji tar-Randan Imqaddes, waqt il-quddiesa, nitolbu hekk:
‘Bit-tgħakkis ta’ ġisimna, int trażżan fina d-drawwiet il-ħżiena, terfagħlna ruħna lejn is-sema, tqawwi fina d-drawwiet it-tajba, u troddilna l-ħlas tal-ħajja ta’ dejjem’.
Bla dubju ta’ xejn dan iż-żmien hu ta’ għajnuna kbira biex nidħlu ‘l ġewwa fil-ħajja tagħna u nagħrfu s-sitwazzjoni preżenti tagħna quddiem Alla.
Fir-Randan insibu diversi għajnuniet biex nagħmlu dan, bħal ma huma l-Eżerċizzi, Sawm, Talb, u Karita’. Tajjeb li nagħrfu li dawn huma għajnuniet biex ninbidlu. Ma jfissirx li għax nagħmlu lilhom biss inkunu nbdilna.
Huwa minnu li l-Eżerċizzi huma mportanti ħafna, iżda ma jkunx biżżejjed jekk jien ma nagħmel xejn minn dak li smajt. Veru li s-sawm huwa penitenza biex nuru ndiema ta’ dnubietna, iżda l-importanti hu li jien ma nerġax immur fejn hemm it-tentazzjoni biex naħrab id-dnub. Veru li l-karita’ togħġob lil Alla, imma huwa mportanti li l-karita’ nibdieha ma’ dawk qrib tiegħi ukoll.
Il-Mulej jagħtina Randan qaddis.
Is-sliem u l-ħajr.
Dun Keith Bonnici
Kappillan
Informazzjoni Oħra
Parroċċa Familja Mqaddsa, Pjazza Ninu Cremona, L-Iklin IKL 1302 www.parroccaiklin.com
Tel 21423003 – email: [email protected] – Mobile Kappillan 79972444
Ħinijiet oħra
QRAR: Qabel kull Quddiesa tal-obbligu u tal-Ħadd
TQARBIN TAL-MORDA: Kuljum tal-ġimgħa filgħodu b’appuntament wara li ssir talba lill-Kappillan.
Adorazzjoni Ewkaristika: fis-skiet il-Ħamis mis-6.00 a.m. sas-6.00 p.m.
VIA SAGRA: kull nhar ta’ Ġimgħa fis-5.50 p.m.
RUŻARJU: kuljum għoxrin minuta qabel il-quddiesa ta’ filgħaxija minbarra nhar ta’ Ġimgħa.
Ħin tal-Uffiċċju Parrokkjali: s-Sibt 7.10 a.m. sa 10.30 a.m.
Ħin tal-Katekiżmu għat-Tfal
It-Tnejn u l-Ħamis bejn l-4.30 p.m. u l-5.15 p.m. fil-ġranet tal-iskejjel tal-Istat
Kuntatti tas-saċerdoti:
Dun Keith Bonnici 79972444 [email protected]
Dun Karm Busuttil 79729444 [email protected]
Mons. Kalċidon Vassallo 79600500 [email protected]
Mons. Anton Vella 79289656 [email protected]
- Jiena d-dawl tad-dinja, jgħid il-Mulej; min jiġi warajja jkollu d-dawl tal-ħajja. Gw: 8, 12